தனியார் நிறுவன ஊழியரிடம் திருட முயன்றவர் கைது

கோவை

கேரள மாநிலம் பாலக்காடு பகுதியை சேர்ந்தவர் கண்ணன் வயது 49). தனியார் நிறுவன ஊழியர். இவர் நேற்று முன்தினம் கோவையில் உள்ள தனது நண்பரின் இல்ல நிகழ்ச்சியில் கலந்து கொண்டார். பின்னர் அவர் பஸ்சில் கேரளாவிற்கு திரும்பி கொண்டிருந்தார்.

அப்போது அவரது அருகில் நின்று கொண்டிருந்த ஒருவர் கண்ணனின் பாக்கெட்டிற்குள் கையை விட்டு பணத்தை திருட முயன்றார். உடனே சுதாரித்து கொண்ட கண்ணன் சக பயணிகள் உதவியுடன் அந்த நபரை மடக்கி பிடித்து குனியமுத்தூர் போலீஸ் நிலையத்தில் ஒப்படைத்தார். போலீஸ் விசாரணையில் அவர் போத்தனூரை சேர்ந்த செல்வராஜ் (வயது 49) என்பது தெரியவந்தது. அவரை போலீசார் கைது செய்து சிறையில் அடைத்தனர்.