வள்ளியூர் அனைத்து மகளிர் போலீசார் கடந்த 2019-ம் ஆண்டு அழகப்பப்புரம் வடக்கு தெருவை சேர்ந்த ரமேஷ் (வயது 30) என்பவரை போக்சோ வழக்கில் கைது செய்தனர். பின்னர் ஜாமீனில் வெளியே வந்த அவர் கடந்த 1½ ஆண்டுகளாக கோர்ட்டு விசாரணைக்கு ஆஜராகாமல் தலைமறைவாக இருந்து வந்தார்.

இதனால் அவருக்கு நெல்லை போக்சோ சிறப்பு நீதிமன்றம் பிடியாணை பிறப்பித்தது. இதனையடுத்து வள்ளியூர் அனைத்து மகளிர் போலீசார், தலைமறைவாக இருந்த ரமேசை நேற்று கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.