கோர்ட்டு விசாரணைக்கு ஆஜராகாமல் 2 மாதம் தலைமறைவாக இருந்தவர் கைது

நெல்லை அருகே தாழையூத்து ராஜவல்லிபுரம் திருவள்ளுவர் வடக்கு தெருவை சேர்ந்தவர் அகிலன் (வயது 33). இவரை கடந்த 2021-ம் ஆண்டு பெண்ணை கொலை செய்ய முயன்ற வழக்கில் தாழையூத்து போலீசார் கைது செய்து சிறையில் அடைத்தனர். பின்னர் ஜாமீனில் வெளியே வந்த அவர் கோர்ட்டில் விசாரணைக்கு ஆஜராகாமல் கடந்த 2 மாதங்களாக தலைமறைவாக இருந்து வந்தார். இதனால் அவருக்கு கோர்ட்டு பிடியாணை பிறப்பித்தது. இந்த நிலையில் தலைமறைவாக இருந்த அகிலனை தாழையூத்து போலீசார் கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.