கோவையில் இருந்து தூத்துக்குடிக்கு புதிய ரெயில் இயக்க வேண்டும் - தென்னக ரெயில்வே பொதுமேலாளருக்கு மனு

தென்னக ரெயில்வே ஆலோசனைக்குழு முன்னாள் உறுப்பினர் கே.என்.பாஷா, தென்னக ரெயில்வே பொதுமேலாளருக்கு அனுப்பி உள்ள கோரிக்கை மனுவில் தெரிவித்து இருப்பதாவது:- கன்னியாகுமரியில் இருந்து புனே வரை செல்லும் ரெயிலை மும்பை வரை இயக்க வேண்டும். கோவையில் இருந்து தூத்துக்குடிக்கு புதிய ரெயில் இயக்க வேண்டும். கொடுமுடி ரெயில் நிலையத்தில் 4 ரெயில்கள் நின்று செல்லவும், ஈரோட்டில் கூடுதலாக ஒரு நடைமேடையும் அமைக்க வேண்டும். கோவை -சேலம் பயணிகள் ரெயில் கடந்த 6 மாதங்களாக நிறுத்தி வைக்கப்பட்டு உள்ளது. இந்த ரெயிலை உடனடியாக இயக்க வேண்டும். மேலும் ஈரோடு ரெயில் நிலையத்தில் பயணிகளுக்கு தேவையான அடிப்படை வசதிகளை செய்து கொடுக்க வேண்டும்.

இவ்வாறு அந்த மனுவில் அவர் தெரிவித்து இருந்தார்.