குட்டையில் மூழ்கி வெள்ளி பட்டறை தொழிலாளி பலி

கொண்டலாம்பட்டி:-

சேலம் கொண்டலாம்பட்டி அருகே உள்ள சேனைபாளையம் அய்யம்பாளையத்தை சேர்ந்தவர் அசோகன் (வயது 45). வெள்ளி பட்டறை தொழிலாளி. இவர் கடந்த 2 நாட்களுக்கு முன்பு வேலைக்கு செல்வதாக கூறிவிட்டு சென்றவர் பின்னர் வீடு திரும்பவில்லை. இந்த நிலையில் சேனைபாளையத்தில் உள்ள வண்ணார குட்டையில் ஆண் உடல் மிதப்பதாக கொண்டலாம்பட்டி போலீசாருக்கு தகவல் கிடைத்தது. அவர்கள் இதுதொடர்பாக சேலம் தீயணைப்பு படையினருக்கு தகவல் கொடுத்தனர்.

அதன்பேரில் சம்பவ இடத்துக்கு சென்ற தீயணைப்பு படை வீரர்கள் சென்று குட்டையில் இறங்கி உடலை மீட்டு கரைக்கு கொண்டு வந்தனர். பின்னர் விசாரணையில் இறந்தது காணாமல் போன அசோகன் என்பது தெரியவந்தது. இதுகுறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.

போலீசாரின் முதற்கட்ட விசாரணையில் மீன்பிடிக்க குட்டைக்கு வந்தபோது தவறி விழுந்து தண்ணீரில் மூழ்கி இறந்திருக்கலாம் என தெரியவந்துள்ளது. இதுகுறித்து தொடர்ந்து விசாரணை நடத்தப்பட்டு வருகிறது.