ஆற்றில் தவறி விழுந்து வாலிபர் பலி

மானூர்:

மானூர் அருகே உள்ள மேலப்பிள்ளையார்குளத்தைச் சேர்ந்தவர் காசி மகன் காளிமுத்து (வயது 21). இவர் ஊருக்கு வடபுறம் உள்ள சிற்றாறு தடுப்பணை அருகே தண்ணீரில் தவறி விழுந்து இறந்து கிடந்தார். இதுகுறித்து தகவல் அறிந்த மானூர் போலீசார் சம்பவ இடத்திற்கு விரைந்து சென்று காளிமுத்து உடலை மீட்டு பிரேத பரிசோதனைக்காக பாளையங்கோட்டை அரசு ஆஸ்பத்திரிக்கு அனுப்பி வைத்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.