மோட்டார் சைக்கிள் மீது மினிவேன் மோதி வாலிபர் பலி

வாலாஜா,

மோட்டார் சைக்கிள் மீது மினிவேன் மோதி வாலிபர் பலியானார்.

வாலாஜாவை அடுத்த அனந்தலை கிராமம் சவுகார் தெருவை சேர்ந்தவர் சுந்தரமூர்த்தி. இவரது மகன் வினோதன் (வயது 24), ஸ்ரீபெரும்புதூரில் உள்ள தனியார் தொழிற்சாலை ஒன்றில் வேலை செய்து வந்தார். நேற்று காலை வினோதன் தனது இரு சக்கர வாகனத்திற்கு பெட்ரோல் போட கீழ் புதுப்பேட்டை பகுதியில் உள்ள பெட்ரோல் பங்க் நோக்கி சென்று கொண்டிருந்தார்

அப்போது எதிரே வந்த மினி வேன் மோதியதில் பலத்த காயமடைந்தார். அந்த பகுதியில் இருந்தவர்கள் அவரை மீட்டு வாலாஜா அரசு மருத்துவமனையில் சேர்த்தனர். பின்னர் அவர் மேல் சிகிச்சைக்காக பூட்டுத்தாக்கு பகுதியில் உள்ள தனியார் மருத்துவமனையில் சேர்க்கப்பட்டார்.

அங்கு அவர் சிகிச்சை பலனின்றி இறந்து விட்டார். இது குறித்து வாலாஜா போலீசார் வழக்குப்பதிவு செய்த உடலை பிரேத பரிசோதனைக்காக வாலாஜா அரசு மருத்துவமனைக்கு அனுப்பி வைத்தனர். இது குறித்து போலீசார் விசாரணை நடத்தி வருகின்றனர்.