மொபட் மீது லாரி மோதி விபத்து; 2 பேர் படுகாயம்

கிணத்துக்கடவு

கிணத்துக்கடவு அருகே உள்ள வீரப்பகவுண்டனூரை சேர்ந்தவர் சரவணன் (வயது 65), விவசாயி. அதே ஊரைச் சேர்ந்த நாகமாணிக்கம். இவர்கள் 2 பேரும் நேற்று முன்தினம் மொபட்டில் கண்ணமநாயக்கனூர் சென்றுவிட்டு வீட்டிற்கு திரும்பி கொண்டிருந்தனர். மொபட்டை சரவணன் ஓட்ட பின்னால் நாகமாணிக்கம் அமர்ந்து இருந்தார். கருங்கல் திட்டமேடு அருகே வந்தபோது, எதிரே வந்த லாரி கண்ணிமைக்கும் நேரத்தில் மொபட் மீது மோதியது.

இதில் தூக்கி வீசப்பட்ட 2 பேரும் பலத்த காயம் அடைந்தனர். அவர்களை அந்த வழியாக சென்றவர்கள் மீட்டு, சிகிச்சைக்காக கோவையில் உள்ள தனியார் மருத்துவமனைக்கு அனுப்பி வைத்தனர். இந்த விபத்து குறித்து லாரி டிரைவர் கார்த்திகேயன் (30) மீது கிணத்துக்கடவு போலீசார் வழக்குப்பதிவு செய்து விசாரணை நடத்தி வருகின்றனர்.