விபத்தில் பெண் பலி

சேரன்மாதேவி:

பத்தமடை அருகே உள்ள கொழுமடை பகுதியைச் சேர்ந்தவர் கணேசன். இவருடைய மனைவி வசந்தா (வயது 58). இவர்கள் இருவரும் நேற்று மோட்டார் சைக்கிளில் சேரன்மாதேவி சென்றுவிட்டு, வீடு திரும்பிய போது பத்தமடை மெயின் ரோட்டில் மாடு ஒன்று குறுக்கே வந்ததாக கூறப்படுகிறது. இதில் இருவரும் நிலை தடுமாறி கீழே விழுந்தனர். இதில் காயம் அடைந்த வசந்தாவை சேரன்மாதேவி அரசு மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். தகவல் அறிந்த பத்தமடை போலீசார் அவரது உடலை கைப்பற்றி நெல்லை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.