செஞ்சி அருகே ஓடும் பஸ்சில் பெண்ணிடம் நகை அபேஸ்

செஞ்சி,

சென்னை பொழிச்சலூர் பகுதியை சேர்ந்தவர் ராமசாமி மனைவி சூரியகாந்தி (வயது 68). இவர் சம்பவத்தன்று, திருவண்ணாமலைக்கு பஸ்சில் வந்து கொண்டிருந்தார். அப்போது மேல்மருவத்தூர் பேருந்து நிறுத்தத்தில் ஏறிய 3 பெண்களில் 2 பேர் சூரியகாந்தி இருக்கையின் அருகில் அமர்ந்துள்ளனர். பஸ் விழுப்புரம் மாவட்டம் செஞ்சி அடுத்த நாட்டார்மங்கலம் பேருந்து நிறுத்தத்தில் வந்ததும் அந்த 3 பெண்களும் பஸ்சில் இருந்து இறங்கி உள்ளனர். இதையடுத்து சூரியகாந்தி நகையை சோதனை செய்த போது, அவர் அணிந்திருந்த 6 பவுன் நகையை காணவில்லை. இதை அந்த 3 பெண்களும் பறித்து சென்றிருப்பது தெரியவந்தது. பறிபோன நகையின் மதிப்பு ரூ.2 லட்சம் இருக்கும் என்று கூறப்படுகிறது. இதுகுறித்து சூரியகாந்தி கொடுத்த புகாரின்பேரில் செஞ்சி போலீசார் வழக்குப்பதிவு செய்து நகையை பறித்து சென்ற 3 பெண்களையும் வலைவீசி தேடி வருகின்றனர்.