மொபட்டில் சென்ற பெண்ணிடம் 7 பவுன் நகை பறிப்பு

நாட்டறம்பள்ளி.ற அடுத்த கத்தாரி பகுதியை சேர்ந்தவர் தேவராஜி, வெளிநாட்டில் வேலை செய்து வருகிறார். இவரது மனைவி தேன்மொழி (வயது 36). இவர் நாட்டறம்பள்ளி அருகே கே.பந்தாரப்பள்ளி பகுதியில் உள்ள தனது தாய் வீட்டிற்கு 3 வயது மகன் ரட்சத்குமாருடன் மொபட்டில் கத்தாரி சென்றார். சண்டியூர் தேசிய நெடுஞ்சாலையில் சென்று கொண்டிருந்தபோது பின்னால் மோட்டார் சைக்கிள் வந்த 3 மர்ம ஆசாமிகள் தேன்மொழி கழுத்தில் அணிந்து இருந்த 5 பவுன் தாலி செயின் மற்றும் 2 பவுன் செயின் என 7 பவுன் நகையை பறித்துக்கொண்டு தப்பி சென்று விட்டனர்.

இதுகுறித்து தேன்மொழி நாட்டறம்பள்ளி போலீஸ் நிலையத்தில் புகார் கொடுத்தார். புகாரின் பேரில் போலீஸ் இன்ஸ்பெக்டர் சாந்தி, சப்- இன்ஸ்பெக்டர் முனிரத்தினம் மற்றும் போலீசார் சம்பவ இடத்திற்கு விரைந்து சென்று பார்வையிட்டு விசாரணை செய்தனர். மேலும் இதுகுறித்து வழக்குப்பதிவு செய்து அப்பகுதியில் உள்ள கண்காணிப்பு கேமராக்களில் பதிவான காட்சிகளை வைத்து மர்ம ஆசாமிகளை தேடி வருகின்றனர்.