அளவுக்கு அதிகமாக மது குடித்த தொழிலாளி சாவு

கரூர் மாவட்டம், அரவக்குறிச்சி அருகே உள்ள நம்பாகவுண்டனூரை சேர்ந்தவர் கனகராஜ் (வயது 46). தொழிலாளி. இவருக்கு மதுகுடிக்கும் பழக்கம் இருந்துள்ளது கூறப்படுகிறது.இந்தநிலையில் சம்பவத்தன்று கனகராஜ் அளவுக்கு அதிகமாக மதுகுடித்த நிலையில் தெத்துப்பட்டியில் உள்ள தனது சகோதரி வீட்டில் மயங்கி கிடந்துள்ளார்.இதைக்கண்ட அங்கிருந்தவர்கள் கனகராஜை மீட்டு சிகிச்சைக்காக அரவக்குறிச்சி அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர் அவர் ஏற்கனவே இறந்து விட்டதாக தெரிவித்தனர். இதையடுத்து அவரது உடல் பிரேத பரிசோதனைக்கு அனுப்பி வைக்கப்பட்டது.இந்த சம்பவம் குறித்து கனகராஜின் தாய் பாப்பம்மாள் கொடுத்த புகாரின்பேரில் அரவக்குறிச்சி போலீசார் வழக்குப்பதிந்து விசாரணை நடத்தி வருகின்றனர்.