அதிகமாக மது குடித்த தொழிலாளி சாவு

கருங்கல்:

கருங்கல் அருகே உள்ள சூசைபுரம் பகுதியை சேர்ந்தவர் ஷாஜி (வயது41), தொழிலாளி. இவருடைய மனைவி ரெஜிதா. இவர்களுக்கு குழந்தைகள் இல்லை.. ஷாஜியின் மனைவி 6 மாதங்களுக்கு முன்பு இறந்து விட்டார். மனைவி இறந்ததால் மனமுடைந்த ஷாஜி மது குடிக்கும் பழக்கத்துக்கு அடிமையானார். இதனால் அவர், அளவுக்கு அதிகமாக மதுகுடித்து விட்டு சரியாக வேலைக்கு செல்லாமல் இருந்து வந்தார். இதன்காரணமாக அவருக்கு உடல்நலக்குறைவு ஏற்பட்டு அவதிப்பட்டு வந்ததாக கூறப்படுகிறது. இந்தநிலையில் சம்பவத்தன்று அளவுக்கு அதிகமாக மது குடித்துவிட்டு வந்த ஷாஜி படுக்கையறைக்கு தூங்கச் சென்றார். மறுநாள் காலையில் குடும்பத்தினர் சென்று பார்த்தபோது அங்கு ஷாஜி ரத்த வாந்தி எடுத்து இறந்து கிடந்ததை கண்டு அதிர்ச்சி அடைந்தனர். இதுபற்றி கருங்கல் போலீசில் புகார் செய்யப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.