மோட்டார் சைக்கிள் திருடி வந்த வாலிபர் கைது

மூங்கில்துறைப்பட்டு

மூங்கில்துறைப்பட்டு அருகே உள்ள மணலூர் பகுதியில் வடபொன்பரப்பி போலீஸ் சப்-இன்ஸ்பெக்டர் முருகன் மற்றும் போலீசார் தீவிர வாகன தணிக்கை மேற்கொண்டனர். அப்போது அந்த வழியாக மோட்டார் சைக்கிளில் வந்த வாலிபரை சந்தேகத்தின் பேரில் பிடித்து விசாரணை செய்தனர். அப்போது அவர் முன்னுக்குப் பின் முரணாக பதில் அளித்ததால் அவரை போலீஸ் நிலையத்துக்கு அழைத்து சென்று விசாரணை நடத்தினர். விசாரணையில் அவர் திருவண்ணாமலை மாவட்டம் தண்டராம்பட்டு அருகே உள்ள மேல்பாச்சார் பகுதியை சேர்ந்த ஏழுமலை மகன் அழகேசன்(வயது 23) என்பதும், அவர் ஓட்டி வந்த மோட்டார் சைக்கில் திருட்டு மோட்டார் சைக்கிள் என்பதும் தெரியவந்தது. இதையடுத்து அழகேசனை கைது செய்த போலீசார் அவரிடம் இருந்த மோட்டார் சைக்கிளை பறிமுதல் செய்து அது எங்கு திருடப்பட்டது? யாருடைய மோட்டார் சைக்கிள்? என்பது குறித்து தீவிர விசாரணை நடத்தி வருகின்றனர்.