ஓடும் பஸ்சில் பெண்ணிடம் 5 பவுன் நகை அபேஸ்

நாகர்கோவில்:

நாகர்கோவிலில் ஓடும் பஸ்சில் பெண்ணிடம் 5 பவுன் நகையை அபேஸ் செய்த மர்ம நபரை போலீசார் தேடி வருகிறார்கள்.

நாகர்கோவில் ஆசாரிபள்ளம் பிளசன்ட் நகர் 7-வது தெருவைச் சேர்ந்தவர் ஜாய்ஸ்மேரி (வயது 58). இவர் நேற்று முன்தினம் இரவு செட்டிகுளம் சந்திப்பில் இருந்து ஆசாரிபள்ளத்துக்கு அரசு பஸ்சில் பயணம் செய்தார். ஆசாரிபள்ளம் பஸ் நிறுத்தத்தில் இறங்கிய போது அவர் கழுத்தில் கிடந்த 5 பவுன் தங்கச் சங்கிலியை காணாததை கண்டு அதிர்ச்சி அடைந்தார்.

இதுகுறித்து ஜாய்ஸ்மேரி ஆசாரிபள்ளம் போலீஸ் நிலையத்தில் புகார் செய்தார். அதன்பேரில் ஆசாரிபள்ளம் போலீசார் வழக்குப்பதிவு செய்தனர். பஸ்சில் பயணம் செய்த போது மர்மநபர் நகையை அபேஸ் செய்திருக்கலாம் என கூறப்படுகிறது.