தலைமறைவாக இருந்தவர் கைது

உவரி போலீசார் கடந்த 2006-ம் ஆண்டு நடந்த கொலைமுயற்சி வழக்கில் கூடங்குளம் வைராவிகிணறு பகுதியை சேர்ந்த பாக்கியசீலன் (வயது 41) என்பவரை கைது செய்தனர். பின்னர் ஜாமீனில் வெளியே வந்த பாக்கியசீலன் கடந்த 4½ மாதங்களாக நீதிமன்ற விசாரணைக்கு ஆஜராகாமல் தலைமறைவாக இருந்து வந்தார்.

இதனால் அவருக்கு நெல்லை கோர்ட்டு பிடியாணை பிறப்பித்தது. இதனையடுத்து உவரி போலீசார் தலைமறைவாக இருந்துவந்த பாக்கியசீலனை நேற்று கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.