கோர்ட்டு விசாரணைக்கு ஆஜராகாமல் தலைமறைவாக இருந்தவர் கைது

சேரன்மாதேவி:

சேரன்மாதேவி போலீஸ் நிலையத்திற்கு உட்பட்ட பகுதியில் கடந்த 2017-ம் ஆண்டு திருட்டு வழக்குகளில் ஈடுபட்ட பாளையங்கோட்டை, சமாதானபுரத்தை சேர்ந்த கோபாலகிருஷ்ணன் (வயது 36) என்பவர் கைது செய்யப்பட்டு ஜாமீனில் வெளிவந்தார். பின்னர் அவர் கடந்த 7 மாதங்களாக கோர்ட்டு விசாரணைக்கு ஆஜராகாமல் தலைமறைவாக இருந்து வந்தார். இதனால் அவரைப் பிடிக்க சேரன்மாதேவி கோர்ட்டில் பிடியாணை பிறப்பிக்கப்பட்டது. இதையடுத்து மாவட்ட போலீஸ் சூப்பிரண்டு சரவணன் உத்தரவின்படி, சேரன்மாதேவி போலீசார் நேற்று கோபாலகிருஷ்ணனை கைது செய்து கோர்ட்டில் ஆஜர்படுத்தி பிடியாணையை நிறைவேற்றினர்.