நெல்லை மாவட்டம் முக்கூடல் போலீசார் கடந்த 2020-ம் ஆண்டு ஆயுதத்தால் தாக்கி கொலை மிரட்டல் விடுத்த வழக்கில் அரிகேசவநல்லூர் பாறையடி தெருவை சேர்ந்த வேல்முருகன் (வயது 35) என்பவரை கைது செய்தனர். அதன்பின்னர் ஜாமீனில் வெளியே வந்த அவர் நீதிமன்ற விசாரணைக்கு ஆஜராகாமல் கடந்த ஒரு மாதமாக தலைமறைவாக இருந்து வந்தார். இதனால் கோர்ட்டு அவருக்கு பிடியாணை பிறப்பித்தது. இதனையடுத்து முக்கூடல் போலீசார் வேல்முருகனை கைது செய்து நீதிமன்றத்தில் ஆஜர்படுத்தி பிடியாணையை நிறைவேற்றினர்.