மொபட் கவிழ்ந்து காவலாளி பலி

ஓசூர்:

திருப்பத்தூர் மாவட்டம் ஆவல்நாயக்கன்பட்டியை சேர்ந்தவர் சுசீகரன் (வயது 63). இவர் ஓசூர் பேடரப்பள்ளி ராஜாஜி நகரில் தங்கி தனியார் நிறுவனம் ஒன்றில் காவலாளியாக வேலை பார்த்து வந்தார். சம்பவத்தன்று இரவு இவர் மொபட்டில் சிப்காட்-பேடரப்பள்ளி சாலையில் சென்று கொண்டிருந்தார். அப்போது எதிர்பாராதவிதமாக மொபட் கவிழ்ந்தது. இதில் நிலைதடுமாறி கீழே விழுந்த சுசீகரன் படுகாயம் அடைந்தார். அவரை அருகில் இருந்தவர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரிக்கு அனுப்பி வைத்தனர். ஆனால் வழியிலேயே சுசீகரன் இறந்தார். இது குறித்து ஓசூர் சிப்காட் போலீசார் விசாரணை நடத்தி வருகிறார்கள்.