நன்செய் இடையாறு அருகே மோட்டார் சைக்கிள் மீது மினி லாரி மோதி தொழிலாளி பலி

பரமத்திவேலூர்:

நன்செய் இடையாறு அருகே மோட்டார் சைக்கிள் மீது மினி லாரி மோதி தொழிலாளி பலியானார்.

தொழிலாளி

பரமத்திவேலூர் அருகே உள்ள நன்செய் இடையாறு காமராஜர் நகரை சேர்ந்தவர் வீரய்யன். இவருடைய மகன் தனசேகரன் (வயது 30). கூலித்தொழிலாளி.

இவர் கடந்த 16-ந் தேதி தனது மோட்டார்சைக்கிளில் பரமத்திவேலூர் வந்து விட்டு நன்செய் இடையாறு செல்லும் புதுரோட்டில் சென்று கொண்டிருந்தார். அப்போது மேம்பாலம் அருகே சென்றபோது, பின்னால் வந்த மினி லாரி ஒன்று மோட்டார்சைக்கிள் மீது மோதியது.

விசாரணை

இதில் தூக்கி வீசப்பட்டு படுகாயம் அடைந்த அவரை அந்த வழியாக வந்தவர்கள் மீட்டு வேலூர் அரசு மருத்துவமனையில் சிகிச்சைக்காக சேர்த்தனர். பின்னர் மேல் சிகிச்சைக்காக கோவையில் உள்ள ஒரு தனியார் மருத்துவமனையில் சேர்த்தனர். தொடர்ந்து சிகிச்சை பெற்று வந்த தனசேகரன் சிகிச்சை பலனின்றி இறந்தார்.

இந்த விபத்து குறித்து வேலூர் போலீசார் வழக்குப்பதிவு செய்து விசாரணை நடத்தி வருகின்றனர்.