மோட்டார் சைக்கிள் மோதி 2 பேர் பலி

எஸ்.புதூர்,

எஸ்.புதூர் அருகே உள்ள கே.புதுப்பட்டி கிராமத்தைச் சேர்ந்தவர் அழகன் (வயது 55). விவசாயி. இவர் சைக்கிளில் சென்றபோது, திண்டுக்கல் மாவட்டம், கோட்டையூர் பகுதியை சேர்ந்த குமார் (45) மற்றும் இவருடைய உறவினர் நாகராஜ் (40) ஆகியோர் வந்த மோட்டார்சைக்கிள், சைக்கிள் மீது மோதியது. இதில் கீழே விழுந்து மோட்டார் சைக்கிள் ஓட்டி வந்த குமார் சம்பவ இடத்திலேயே பலியானார். மேலும் அழகன் மற்றும் நாகராஜ் படுகாயமடைந்தனர். ஆஸ்பத்திரிக்கு செல்லும் வழியில் அழகன் உயிரிழந்தார். இதுகுறித்த புகாரின் பேரில் புழுதிபட்டி போலீசார் வழக்கு பதிவு செய்து விசாரணை நடத்தி வருகின்றனர்.