பேளுக்குறிச்சி அருகே வாகனம் மோதி வாலிபர் சாவு-யார் அவர்? போலீசார் விசாரணை

சேந்தமங்கலம்:

பேளுக்குறிச்சி அருகே உள்ள அணைப்பாளையம் தேசிய நெடுஞ்சாலையில் நேற்று முன்தினம் நள்ளிரவு வாலிபர் ஒருவர் அடையாளம் தெரியாத வாகனம் மோதி படுகாயங்களுடன் கிடைந்தார். அவரை அந்த வழியாக சென்றவர்கள் மீட்டு சிகிச்சைக்காக ராசிபுரம் அரசு ஆஸ்பத்திரிக்கு அனுப்பி வைத்தனர். அங்கு அவரை பரிசோதித்த டாக்டர்கள், அவர் ஏற்கனவே இறந்து விட்டதாக தெரிவித்தனர். தகவல் அறிந்த பேளுக்குறிச்சி போலீசார் ஆஸ்பத்திரிக்கு சென்று விசாரணை நடத்தினர். ஆனால் அவர் யார்? எந்த ஊரை சேர்ந்தவர்? போன்ற விவரங்கள் தெரியவில்லை. போலீசார் உடலை கைப்பற்றி சேலம் அரசு ஆஸ்பத்திரி பிணவறைக்கு அனுப்பி வைத்தனர். மேலும் விபத்து குறித்து வழக்குப்பதிவு செய்து, இறந்த வாலிபர் யார்?, அவர் மீது மோதிய வாகனம் குறித்து வழக்குப்பதிவு செய்து தீவிர விசாரணை நடத்தி வருகின்றனர்.