ஜனாதிபதி தேர்தலில் வெற்றி பெற்ற திரவுபதி முர்முவுவை நேரில் சந்தித்து வாழ்த்திய எடப்பாடி பழனிசாமி!

புதுடெல்லி,

ஜனாதிபதி ராம்நாத் கோவிந்தின் பதவி காலம் நாளை முடிவடைகிறது. எனவே அவருக்கு நாடாளுமன்ற மைய மண்டபத்தில் பிரிவு உபசார விழா நடக்கிறது.

இந்த விழாவில் பங்கேற்க அ.தி.மு.க. இடைக்கால பொதுச்செயலாளர் எடப்பாடி பழனிசாமி டெல்லி சென்றார். டெல்லி சென்ற அதிமுக இடைக்கால பொதுச்செயலாளர் எடப்பாடி பழனிசாமிக்கு தொண்டர்கள் மேளதாளம் முழங்க உற்சாக வரவேற்பு அளிக்கப்பட்டது.

ராம்நாத் கோவிந்த் பிரிவு உபசார விழாவில் பங்கேற்கும் எடப்பாடி பழனிசாமி, புதிய ஜனாதிபதி திரவுபதி முர்மு பதவியேற்பு விழாவிலும் கலந்துகொள்வார் என்று தகவல் வெளியாகி உள்ளது.

இந்தநிலையில், ஜனாதிபதி தேர்தலில் வெற்றி பெற்ற திரவுபதி முர்முவுவை எடப்பாடி பழனிசாமி, தம்பிதுரை, எஸ்.பி.வேலுமணி, தளவாய் சுந்தரம் ஆகியோர் இன்று சந்தித்து திரவுபதி முர்முவுக்கு நேரில் வாழ்த்து தெரிவித்தனர்.