தெற்கு மாவட்ட அ.தி.மு.க. நிர்வாகிகள் ஆலோசனை கூட்டம்

தூத்துக்குடி தெற்கு மாவட்ட அ.தி.மு.க. நிர்வாகிகள் ஆலோசனைக் கூட்டம் தூத்துக்குடியில் உள்ள ஒரு தனியார் ஓட்டலில் நடந்தது. தெற்கு மாவட்ட செயலாளர் எஸ்.பி. சண்முகநாதன் தலைமை தாங்கிபேசினார். அப்போது அவர் பேசியதாவது:-

கட்சியில் உறுப்பினர் சேர்க்கை பணி தீவிரமாக நடந்து வருகிறது. ஒரு தொகுதிக்கு 75 ஆயிரம் புதிய உறுப்பினர்களை சேர்க்க வேண்டும். மேலும் தி.மு.க. அரசு பொறுப்பேற்ற 2 ஆண்டுகளில் பல்வேறு முறைகேடுகள், சட்டம்-ஒழுங்கு சீர்கேடு, கள்ளச்சாராயம், கஞ்சா போன்ற போதை பொருட்களின் புழக்கம் அதிகரித்து உள்ளது. இதனைக் கண்டித்து அ.தி.மு.க. பொதுச் செயலரும், முன்னாள் முதல்-அமைச்சருமான எடப்பாடி பழனிசாமி தலைமையில் சென்னை ஆளுனர் மாளிகை நோக்கி நடைபெறும் பேரணியில் தூத்துக்குடி தெற்கு மாவட்டம் சாா்பில் திரளாக பங்கேற்க வேண்டும். அதுபோல் வருகிற ஆகஸ்டு மாதம் 20-ந் தேதி மதுரையில் நடைபெறும் மாபெரும் மாநாட்டில் பங்கேற்க வேண்டும் என்றார்.

இந்த கூட்டத்தில் கட்சியின் அமைப்புச் செயலர் என். சின்னத்துரை, மாவட்ட அவைத் தலைவர் திருப்பாற்கடல் உள்பட பலர் கலந்து கொண்டனர்.