கார் மோதி அ.தி.மு.க. கிளைச்செயலாளர் பலி

சிவகங்கை மாவட்டம் திருப்பாச்சேத்தி அடுத்த ஆவரங்காடு பகுதியை சேர்ந்தவர் அசல் ராஜா (வயது 60). இவர் ஆவரங்காடு அ.தி.மு.க. கிளைச்செயலாளராக இருந்தார். அசல் ராஜா சம்பவத்தன்று மோட்டார் சைக்கிளில் சிவகங்கையை அடுத்த கண்டனி பகுதிக்கு வந்தார். அவர் சுந்தரநடப்பு என்ற கிராமம் அருகே வந்தபோது அந்த வழியாக சென்ற கார் ஒன்று அசல் ராஜா சென்ற மோட்டார் சைக்கிள் மீது மோதியது. இதில் பலத்த காயமடைந்த அசல் ராஜா மதுரை அரசு ஆஸ்பத்திரிக்கு சிகிச்சைக்காக கொண்டு செல்லப்பட்டார். அங்கு சிகிச்சை பலனின்றி அவர் இறந்தார். இது தொடர்பாக சிவகங்கை தாலுகா இன்ஸ்பெக்டர் ரமேஷ், இன்ஸ்பெக்டர் பிரதாப் ஆகியோர் வழக்குப்பதிவு செய்து விசாரணை நடத்தி வருகிறன்றனர்.