ரூ.5¾ லட்சத்துக்கு வேளாண் பொருட்கள் ஏலம்

ஒழுங்கு முறை விற்பனை கூடம்

நொய்யல் அருகே சாலைப்புதூரில் வேளாண் ஒழுங்கு முறை விற்பனை கூடம் செயல்பட்டு வருகிறது. இங்கு வாரந்தோறும் தேங்காய், தேங்காய் பருப்பு மற்றும் நிலக்கடலைக்காய் ஆகியவற்றுக்கான ஏலம் நடைபெறுகிறது. இதில் கரூர் ஒன்றியம், க.பரமத்தி ஒன்றிய விவசாயிகள் தாங்கள் விளைவித்த வேளாண் பொருட்களை விற்பனைக்கு கொண்டு செல்கின்றனர்.

இங்கு நடைபெறும் ஏலத்தில் தமிழகம் மற்றும் வெளிமாநிலங்களை சேர்ந்த வியாபாரிகள் மற்றும் எண்ணெய் நிறுவன முகவர்கள் கலந்து கொண்டு பொருட்களை வாங்கி செல்கின்றனர். அதன்படி இந்தவாரம் நடந்த ஏலத்தில் 11.32 குவிண்டால் எடை கொண்ட 3 ஆயிரத்து 300 தேங்காய் விற்பனைக்கு வந்தது. இதில் கிலோ ஒன்றுக்கு குறைந்த விலையாக ரூ.23.66-ம், அதிகபட்ச விலையாக ரூ.25.80-ம், சராசரி விலையாக ரூ.24.05-ம் என்று ரூ.27 ஆயிரத்து 98-க்கு விற்பனை ஆனது.

தேங்காய் பருப்பு

அதேபோல் 69.92 குவிண்டால் எடை கொண்ட 162 மூட்டை தேங்காய் பருப்பு விற்பனைக்கு வந்தது. இதில் முதல் தரம் கிலோ ஒன்றுக்கு குறைந்தபட்ச விலையாக ரூ.80.19-ம், அதிகபட்ச விலையாக ரூ.82.89-ம், சராசரி விலையாக ரூ.82.12-ம், இரண்டாம் தரம் கிலோ ஒன்றுக்கு குறைந்தபட்ச விலையாக ரூ.60.89-ம், அதிகபட்ச விலையாக ரூ.80.20-ம், சராசரி விலையாக ரூ.75.85-ம் என்று ரூ.5 லட்சத்து 47 ஆயிரத்து 901-க்கு விற்பனையானது.

எள்

0.97 குவிண்டால் கிலோ எடை கொண்ட 2 மூட்டை எள் விற்பனைக்கு வந்தது. இதில் கிலோ ஒன்று குறைந்தபட்ச விலையாக ரூ.96.99-ம், அதிகபட்ச விலையாக ரூ.96.99-ம், சராசரி விலையாக ரூ.96.99-ம் என்று ரூ.9 ஆயிரத்து 457-க்கு விற்பனையானது. ஒட்டு மொத்தமாக வேளாண் பொருட்கள் ரூ.5 லட்சத்து 84 ஆயிரத்து 456-க்கு விற்பனை ஆனது.