அமிர்தா வித்யாலயம் சி.பி.எஸ்.இ.பள்ளி 100 சதவீதம் தேர்ச்சி

ராமேசுவரம்,

ராமநாதபுரம் அருகே ஆர்.எஸ்.மடை கிராமத்தில் அமிர்தா வித்யாலயம் சி.பி.எஸ்.இ.பள்ளி செயல்பட்டு வருகிறது. இந்த பள்ளியில் ராமநாதபுரம், திருப்புல்லாணி, கீழக்கரை உள்ளிட்ட பல்வேறு ஊர்களை சேர்ந்த ஏராளமான மாணவ-மாணவிகள் படித்து வருகின்றனர்.

இந்த நிலையில் இந்த சி.பி.எஸ்.இ.. அமிர்தா வித்யாலயா பள்ளியில் இந்த ஆண்டு 10-ம் மற்றும் 12-ம் வகுப்பு அரசு பொது தேர்வில் 100 சதவீதம் தேர்ச்சி பெற்று இந்த பள்ளி சாதனை படைத்துள்ளது. 10-ம் வகுப்பு அரசு பொதுத்தேர்வில் இந்த பள்ளியில் படிக்கும் விசுவர்த கோபாலன் என்ற மாணவன் 488 மதிப்பெண் பெற்று உள்ளார். ஹரிஹரிஷ் 483 மதிப்பெண்ணும், போதனாகுருதேவி 477 மதிப்பெண் பெற்று சாதனை படைத்துள்ளனர்.

இதேபோல் பிளஸ்-2 அரசு பொதுத்தேர்வில் இந்த பள்ளியில் படிக்கும் கவுதம் என்ற மாணவன் 475 மதிப்பெண்ணும், மோகனசுஜய் 445 மதிப்பெண்ணும், சிருஷ்டி கணேஷ் 442 மதிப்பெண்ணும் பெற்று சாதனை படைத்துள்ளனர். இதை தொடர்ந்து 10-ம் மற்றும் 12-ம் வகுப்பு அரசு பொதுதேர்வில் அதிக மதிப்பெண் பெற்று சாதனை படைத்த மாணவ-மாணவிகளை பள்ளியின் தாளாளர் பிரம்மச்சாரிணி லட்சுமி, முதல்வர் ஹரிணி, மற்றும் அனைத்து ஆசிரியர்களும் வாழ்த்து தெரிவித்தனர்.