அடையாளம் தெரியாத வாகனம் மோதி நிதிநிறுவன ஊழியர் பலி

தூசி

அடையாளம் தெரியாத வாகனம் மோதி நிதிநிறுவன ஊழியர் பலியானார்.

வெம்பாக்கம் தாலுகா வடகல்பாக்கம் கிராமம் குரு போஸ் மேட்டு காலனியை சேர்ந்தவர் கணபதி. இவரது மகன் தமிழ் செல்வம் (வயது 25) தனியார் நிறுவனத்தில் பணியாற்றி வந்தார்.கடந்த 17-ந் தேதி மோட்டார்சைக்கிளில் மாமண்டூர் பகுதியில் செ்று கொண்டிருந்தார். அங்குள்ள சுடுகாடு எதிரில் சென்றபோது அடையாளம் தெரியாத வாகனம் இவர் மீது மோதியது. இதில் மோட்டார்சைக்கிளிலிருந்து தூக்கி வீசப்பட்ட தமிழ்செல்வம் தலையில் பலத்த காயம் அடைந்தார்.

அவரை அந்த பகுதியில் இருந்தவர்கள் மீட்டு காஞ்சீபுரம் 108 ஆம்புலன்ஸ் மூலம் அனுப்பினர். பின்னர் அவர் மேல் சிகிச்சைக்காக சென்னை ராஜீவ்காந்தி அரசு மருத்துவமனையில் சேர்க்கப்பட்டார்.

அங்கு அவர் சிகிச்சை பலனின்றி இறந்துவிட்டார். இது குறித்து தூசி போலீஸ் இன்ஸ்பெக்டர் குமார், சப்-இன்ஸ்பெக்டர் அஜித்குமார் ஆகியோர் வழக்குப்பதிவு செய்து விசாரித்து வருகின்றனர்.