தென்னை மரத்தில் ஏறிய முதியவர் தவறி விழுந்து சாவு

சமயபுரம்:

சமயபுரம் அருகே உள்ள நெற்குப்பை இந்திரா நகரை சேர்ந்தவர் இன்னாசி (வயது 62). கூலித்தொழிலாளி. இவர் கடந்த 3 நாட்களுக்கு முன்பு புறத்தாக்குடியில் உள்ள அவரது உறவினர் வீட்டுக்கு வந்துள்ளார். அப்போது, அங்குள்ள தென்னை மரத்தில் தேங்காய் பறிப்பதற்காக ஏறியபோது, நிலை தடுமாறி கீழே விழுந்த அவர் படுகாயமடைந்தார். இதையடுத்து அவரை அங்கிருந்தவர்கள் மீட்டு திருச்சி அரசு மருத்துவமனையில் சிகிச்சைக்காக சேர்த்தனர். அங்கு அவர் சிகிச்சை பலனின்றி நேற்று பரிதாபமாக உயிரிழந்தார். இது குறித்து சமயபுரம் போலீசார் வழக்குப்பதிவு செய்து விசாரணை நடத்தி வருகின்றனர்.