சேலம் மாவட்டத்தில் கொரோனாவுக்கு முதியவர் பலி

சேலம் மாவட்டத்தில் நேற்று முன்தினம் 35 பேர் கொரோனாவால் பாதிக்கப்பட்டிருந்தனர். இந்நிலையில், நேற்று புதிதாக 36 பேருக்கு கொரோனா பாதிப்பு இருப்பது பரிசோதனையில் உறுதி செய்யப்பட்டுள்ளது. சேலம் மாநகராட்சி பகுதியில் 16 பேர், கெங்கவல்லியில் 4 பேர், வீரபாண்டி, தாரமங்கலத்தில் தலா 2 பேர், நங்கவள்ளி, ஓமலூர், கொளத்தூர், எடப்பாடி, ஆத்தூர், மேட்டூரில் தலா ஒருவருக்கும் நோய் தொற்று ஏற்பட்டுள்ளது. இதுதவிர, சேலம் மாவட்டத்திற்கு தர்மபுரியில் இருந்து வந்த 2 பேர், சென்னையில் இருந்து வந்த 2 பேர், கரூர் மற்றும் ஈரோட்டில் வந்த தலா ஒருவருக்கும் கொரோனா பாதிப்பு ஏற்பட்டுள்ளது. இவர்கள் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர். இந்த நிலையில் கொரோனாவால் பாதிக்கப்பட்டு, சேலம் அரசு ஆஸ்பத்திரியில் சிகிச்சை பெற்று வந்த 70 வயது முதியவர் நேற்று உயிரிழந்தார்.