தலையில் கல்லை போட்டு மூதாட்டி கொலை

புதூர்,

மதுரை ஒத்தக்கடை போலீஸ் சரகம் ராஜகம்பீரம் பகுதியை சேர்ந்தவர் மாயாண்டி. இவருடைய மனைவி கோட்டையம்மாள் (வயது 70). சம்பவத்தன்று இவர் ஒத்தக்கடை ஒயின் ஷாப் அருகே ஆடு மேய்த்து கொண்டிருந்தார். இந்நிலையில் அப்பகுதியில் அவர் தலையில் கல்லை போட்டு மர்ம நபர்களால் கொலை செய்யப்பட்டு பிணமாக கிடந்தார். இதுகுறித்து அப்பகுதி மக்கள் ஒத்தக்கடை போலீசாருக்கு தகவல் கொடுத்தனர். அதன்பேரில் போலீஸ் இன்ஸ்பெக்டர் செந்தாமரைக்கண்ணன், நுண்ணறிவு பிரிவு சப்-இன்ஸ்பெக்டர் முத்துகிருஷ்ணன் மற்றும் போலீசார் அங்கு சென்று விசாரணை நடத்தினர். பின்னர் மூதாட்டியின் உடலை மீட்டு பிரேத பரிசோதனைக்காக அனுப்பி வைத்தனர். இந்த கொலை சம்பவம் தொடர்பாக போலீசார் வழக்குப்பதிவு செய்து மர்ம நபர்களை வலைவீசி தேடி வருகின்றனர்.