அங்கன்வாடி ஊழியர்கள் ஆர்ப்பாட்டம்

அரியலூர் பஸ் நிலையம் அருகே அங்கன்வாடி மற்றும் உதவியாளர் சங்கத்தினர் ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு மாவட்ட தலைவர் ராஜாமணி தலைமை தாங்கினர். காலி பணியிடங்களை முழுமையாக நிரப்ப வேண்டும். அங்கன்வாடி பணியாளர்களுக்கு கூடுதல் பொறுப்பாக இரண்டு அல்லது மூன்று மையங்கள் பார்ப்பதால் மன உளைச்சலுக்கு ஆளாக நேரிடுகிறது. அதனை சரி செய்ய வேண்டும். 10 ஆண்டுகள் பணி செய்த அங்கன்வாடி ஊழியர்களுக்கு எந்தவித நிபந்தனையும் இன்றி உடனடி பதவி உயர்வு வழங்க வேண்டும் என்பன உள்ளிட்ட 8 அம்ச கோரிக்கைகளை வலியுறுத்தி இந்த ஆர்ப்பாட்டம் நடைபெற்றது. இதில் மாவட்ட செயலாளர் சகுந்தலா, அரியலூர் வட்டார தலைவர் லதா உள்ளிட்ட பலர் கலந்து கொண்டனர்.