கடையநல்லூர்:

தென்காசி வடக்கு மாவட்ட அ.தி.மு.க. சார்பில் கடையநல்லூர் ஒன்றியம் சிவராமபேட்டையில் பேரறிஞர் அண்ணா பிறந்த நாள் விழா மற்றும் மதுரையில் நடைபெற்ற பொன்விழா எழுச்சி மாநாட்டில் நிறைவேற்றப்பட்ட தீர்மானங்களை விளக்கி பொதுக்கூட்டம் நடைபெற்றது.

மாவட்ட செயலாளர் கிருஷ்ணமுரளி எம்.எல்.ஏ. தலைமை தாங்கினார். ஒன்றிய செயலாளர் ஜெயக்குமார் வரவேற்றார். மாவட்ட துணைச் செயலாளர் பொய்கை மாரியப்பன் தொகுத்து வழங்கினார். முன்னாள் அமைச்சர்கள் பச்சைமால், ராஜலட்சுமி ஆகியோர் சிறப்புரையாற்றினர். இதில் அ.தி.மு.க. நிர்வாகிகள், தொண்டர்கள் உள்பட பலர் கலந்து கொண்டனர்.