சிவகிரி:

சிவகிரியில், போதை பொருள் தடுப்பு விழிப்புணர்வு உறுதிமொழி ஏற்பு மற்றும் பள்ளி மாணவர்களின் விழிப்புணர்வு பேரணி நடைபெற்றது. சிவகிரி போலீஸ் இன்ஸ்பெக்டர் மனோகரன் விழிப்புணர்வு பேரணியை தொடங்கி வைத்தார். பேரணியானது சிவகிரி பால விநாயகர் உயர்நிலைப்பள்ளியிலிருந்து தொடங்கி மதுரை - தென்காசி தேசிய நெடுஞ்சாலை வழியாக சிவகிரி முக்கிய ரத வீதிகளில் வந்தது. பேரணியில் பாலவிநாயகர் உயர்நிலைப்பள்ளி மாணவர்கள், ஆசிரியர்கள் மற்றும் போலீசார் உள்பட பலர் கலந்து கொண்டனர்.