கடையம்:

கடையம் அருகே உள்ள வெங்கடாம்பட்டி ஊராட்சியில் ச.சவி.மேல்நிலைப் பள்ளி நாட்டு நலப்பணி திட்டம் சார்பாக போதைப் பொருள் ஒழிப்பு விழிப்புணர்வு பேரணி நடைபெற்றது. பேரணிக்கு வெங்கடாம்பட்டி பஞ்சாயத்து தலைவர் சாருகலா ரவி தலைமை தாங்கினார். 6-வது வார்டு உறுப்பினர் ரேகா முன்னிலை வகித்தார். நாட்டு நலப்பணி திட்ட அலுவலர் அருள் பீட்டர்ராஜ், உதவி திட்ட அலுவலர் பொன்ராஜ் செபஸ்தியான் மற்றும் நாட்டு நலப்பணித்திட்ட மாணவர்கள் ஆகியோர் போதை விழிப்புணர்வு வாசகம் அடங்கிய பதாதைகளை ஏந்திச் சென்றனர்.