புகையிலை பொருட்கள் ஒழிப்பு விழிப்புணர்வு பேரணி

கள்ளக்குறிச்சி

கள்ளக்குறிச்சி அருகே பங்காரத்தில் உள்ள ஸ்ரீலட்சுமி கலை, அறிவியல் கல்லூரி மற்றும் கல்வியியல் கல்லூரி சார்பில் புகையிலை ஒழிப்பு விழிப்புணர்வு பேரணி சங்கராபுரத்தில் நடைபெற்றது. இதற்கு ஸ்ரீ லட்சுமி கல்வி நிறுவனங்களின் தலைவர் மணிவண்ணன் தலைமை தாங்கினார். செயலாளர் முருகப்பன், பொருளாளர் சாந்தி, சரவணன் ஆகியோர் முன்னிலை வகித்தனர். போலீஸ் சப்-இன்ஸ்பெக்டர் நரசிம்மஜோதி கொடியசைத்து பேரணியை தொடங்கி வைத்தார். இதில் கலந்துகொண்ட மாணவ-மாணவிகள் புகையிலை பொருட்களால் ஏற்படும் தீமைகள் குறித்த விழிப்புணர்வு வாசகங்கள் அடங்கிய பதாகைகளை கையில் பிடித்தபடி சென்றனர். சங்கராபுரம் அரசு ஆண்கள் மேல்நிலைப்பள்ளி அருகில் இருந்து புறப்பட்ட இந்த பேரணி முக்கிய வீதிகள் வழியாக சென்றது. இதில் ஒருங்கிணைப்பாளர் சிவக்குமார், சங்கராபுரம் அரசு ஆண்கள் மேல்நிலைப்பள்ளி தலைமை ஆசிரியர் சீனுவாசன், கலைக்கல்லூரி முதல்வர் சிராஜ்தீன், கல்வியியல் கல்லூரி முதல்வர் பாஸ்கரன், துணை முதல்வர்கள் சக்திவேல், சசிகலா, மற்றும் துறைத் தலைவர்கள், பேராசிரியர்கள் மற்றும் நாட்டு நலப்பணி திட்டம், தேசிய மாணவர் படை மாணவர்கள், கல்லூரி மாணவ-மாணவிகள் கலந்துகொண்டனர்.