பெரியார் பல்கலைக்கழக பட்ட மேற்படிப்பு ஆராய்ச்சி மையத்தில் முதுகலை மாணவர்கள் சேர்க்கை விண்ணப்பிக்க வருகிற 31-ந் தேதி கடைசி நாள்

தர்மபுரி:

சேலம் பெரியார் பல்கலைக்கழக பட்ட மேற்படிப்பு மற்றும் ஆராய்ச்சி மைய இயக்குனர் மோகனசுந்தரம் வெளியிட்டுள்ள செய்திக்குறிப்பில் கூறப்பட்டுள்ளதாவது:-

தர்மபுரி பைசுஅள்ளியில் உள்ள பெரியார் பல்கலைக்கழக பட்ட மேற்படிப்பு மற்றும் ஆராய்ச்சி மையத்தில் எம்.ஏ. ஆங்கிலம், எம்.பி.ஏ., எம்.காம்., எம்.எஸ்சி. கணிதம், இயற்பியல், கணினி அறிவியல், பயோ டெக்னாலஜி, அப்லைடு ஜியாலஜி ஆகிய பாடப்பிரிவுகளில் நடப்பு கல்வி ஆண்டில் மாணவர் சேர்க்கை நடைபெற உள்ளது. www.Periyaruniversity.ac.in என்ற இணையதள முகவரியில் சென்று விண்ணப்பிக்கலாம். இதில் அனைத்து பாடப்பிரிவுகளுக்கும் ரூ.354 விண்ணப்ப கட்டணமாக இணையதளத்திலேயே செலுத்த வேண்டும்.

எஸ்.சி., எஸ்.டி. பிரிவினர் மற்றும் மாற்றுத்திறனாளி மாணவ, மாணவிகளுக்கு விண்ணப்ப படிவ கட்டணம் செலுத்துவதில் இருந்து விலக்கு அளிக்கப்பட்டுள்ளது. மேற்கண்ட முதுகலை பாடப்பிரிவுக்கு விண்ணப்பிக்கும் மாணவர்கள் தங்கள் 5 செமஸ்டர் மதிப்பெண் சான்றிதழ்களையும் தேவையான பிற சான்றிதழ்களையும் ஸ்கேன் செய்து இணையதளத்தில் பதிவேற்றம் செய்து விண்ணப்பிக்குமாறு கேட்டுக்கொள்ளப்படுகிறார்கள். இணைய வழியில் விண்ணப்பிக்க வருகிற 31-ந் தேதி கடைசி நாள் ஆகும. மாணவர் சேர்க்கைக்கான நுழைவுத் தேர்வு தேதி பற்றிய அறிவிப்பு பின்னர் தெரிவிக்கப்படும்.

இவ்வாறு அதில் கூறப்பட்டுள்ளது.