அ.தி.மு.க.வினர்-போலீசார் இடையே வாக்குவாதம்

செம்பட்டு:

திருச்சி திருவெறும்பூர் பகுதியில் நடந்த நிகழ்ச்சியில் பங்கேற்பதற்காக நேற்று சென்னையில் இருந்து விமானம் மூலம் சட்டமன்ற எதிர்க்கட்சி தலைவர் எடப்பாடி பழனிசாமி திருச்சி வந்தார். இதையொட்டி அவரை வரவேற்பதற்காக அ.தி.மு.க.வினர் திருச்சி-புதுக்கோட்டை சாலையில் கட்சி கொடியை நட்டனர். அப்போது அங்கு ரோந்து வாகனத்தில் வந்த ஏர்போர்ட் போலீசார், அ.தி.மு.க.வினரிடம் அங்கு கட்சிக்கொடி நடக்கூடாது என்று தெரிவித்தனர். இது தொடர்பாக அ.தி.மு.க.வினருக்கும், போலீசாருக்கும் இடையே வாக்குவாதம் ஏற்பட்டது. இதனால் அப்பகுதியில் பரபரப்பு ஏற்பட்டது.