மாணவியை கடத்தி பலாத்காரம்; தொழிலாளி கைது

ஆத்தூர்:

கெங்கவல்லியை அடுத்துள்ள 95 வேலூர் கிராமத்தை சேர்ந்தவர் பெரியசாமி. இவருடைய மகன் சூர்யா (வயது 24). கூலித்தொழிலாளி. இவர் கடந்த 3 மாதங்களுக்கு முன்பு கெங்கவல்லி பகுதியை சேர்ந்த 8-ம் வகுப்பு படித்து வந்த 13 வயது மாணவியை கடத்திச்சென்று பாலியல் பலாத்காரம் செய்ததாக கூறப்படுகிறது. இதையடுத்து மாணவியின் தந்தை ஆத்தூர் அனைத்து மகளிர் போலீசில் புகார் செய்தார். அதன் பேரில் போலீசார் போக்சோ சட்டத்தின் கீழ் வழக்குப்பதிவு செய்து சூர்யாவை கைது செய்தனர்.