சேவல் சண்டை சூதாட்டம்; 3 பேர் கைது

சூரமங்கலம்:

சேலம் ஜாகீர் சின்ன அம்மாபாளையம், சிலோன் காலனி பகுதியில் சிலர் சேவல் சண்டை சூதாட்டம் நடத்துவதாக நேற்று சூரமங்கலம் போலீசாருக்கு தகவல் கிடைத்தது. அதன்பேரில் சூரமங்கலம் சப்-இன்ஸ்பெக்டர் சேகர் மற்றும் போலீசார் சம்பவ இடத்திற்கு சென்று விசாரணை நடத்தினர். இதில் சேவல்களை வைத்து சண்டை சூதாட்டம் நடத்தியது தெரிய வந்தது. இதையடுத்து சேவல் சண்டை நடத்தியதாக, ஜாகீர் சின்ன அம்மா பாளையம் பகுதியை சேர்ந்த பாலசுப்ரமணி (வயது 43), வீராணம் சோனாநகர் பகுதியை சேர்ந்த பிரசாந்த் (22), வீராணம் பள்ளிப்பட்டி பகுதியை சேர்ந்த ரவிக்குமார் (22) ஆகியோரை போலீசார் கைது செய்தனர். மேலும் அவர்கள் வைத்திருந்த சேவல்களையும் போலீசார் பறிமுதல் செய்தனர்.