வாகன திருட்டில் ஈடுபட்ட வாலிபர் கைது

தஞ்சை மருத்துவக்கல்லூரி சாலையில் உள்ள ரகுமான்நகர், நடராஜபுரம், ஈஸ்வரி நகர் உள்ளிட்ட பகுதிகளில் தொடர்ந்து சரக்கு ஆட்டோ, மோட்டார் சைக்கிள் திருட்டு சம்பவங்கள் நடந்து வந்தன. இதுகுறித்து சம்பந்தப்பட்டவர்கள் தஞ்சை மருத்துவக்கல்லூரி போலீஸ் நிலையத்தில் புகார் செய்திருந்தனர். அதன் பேரில் போலீசார் வழக்குப்பதிவு செய்து விசாரணை நடத்தி வந்தனர். இந்த நிலையில் தஞ்சை ரெட்டிப்பாளையம் சாலையை சேர்ந்த பீர்முகமது (வயது 29) என்பவர் தஞ்சையில் பல்வேறு இடங்களில் 5 மோட்டார் சைக்கிள்கள் மற்றும் 3 சரக்கு ஆட்டோக்கள் ஆகியவற்றை திருடியது போலீஸ் விசாரணையில் தெரியவந்தது. உடனே போலீசார் பீர் முகமதுவை கைது செய்து அவரிடம் இருந்த சரக்கு ஆட்டோக்கள், மோட்டார்சைக்கிள்களை பறிமுதல் செய்தனர்.