வாலிபரிடம் பணம், செல்போன் பறித்த 3 பேர் கைது

ராமநாதபுரம் வசந்தநகர் 1-வது தெருவை சேர்ந்தவர் அபிசேகமுருகன் மகன் திருமாவளவன் (வயது 19). இவர் கேட்டரிங் வேலை பார்த்து வருகிறார். நேற்று முன்தினம் திருமாவளவன் திருமணத்திற்காக தேவிபட்டினம் சென்று விட்டு மாலை ராமநாதபுரம் சாயக்கார ஊருணி பகுதியில் வந்து கொண்டிருந்தார். அப்போது அவரை வழிமறித்த மர்ம நபர்கள் கத்தியை காட்டி மிரட்டி அவர் வைத்திருந்த செல்போன் மற்றும் ரூ.3 ஆயிரத்தை பறித்துகொண்டு மோட்டார் சைக்கிளில் தப்பி சென்றனர். இதுகுறித்த புகாரின்பேரில் ராமநாதபுரம் கேணிக்கரை போலீசார் வழக்குப்பதிவு செய்து ராமநாதபுரம் சபாபதி (19), சாயக்காரத்தெரு வெடிராஜா என்ற ராஜா (22), திருவள்ளுவர் நகர் உருளைமணி என்ற மணிகண்டன் (19) ஆகியோரை கைது செய்தனர்.