திருநங்கையை தாக்கிய வாலிபர் கைது

ஊத்தங்கரை:

சிங்காரப்பேட்டை சிங்காரவேலன் நகரை சேர்ந்தவர் திருநங்கை ரீனா. அதே பகுதியை சேர்ந்தவர் சந்தோஷ். கட்டிட தொழிலாளி. இந்த நிலையில் கடந்த 2-ந் தேதி ரீனாவின் சகோதரியின் மகளும், சந்தோசின் சகோதரியின் மகளும் விளையாடி கொண்டிருந்ததாக கூறப்படுகிறது. அப்போது அவர்களுக்குள் பிரச்சினை ஏற்பட்டதாக தெரிகிறது. இதில் சந்தோஷ், ரீனாவின் சகோதரியின் மகளை அடித்ததாக சொல்லப்படுகிறது. இதை தட்டி கேட்ட ரீனாவை, சந்தோஷ், அவருடைய தாய் சீனம்மாள் (45) ஆகியோர் தாக்கினார்களாம். இதுகுறித்து ரீனா சிங்காரப்பேட்டை போலீசில் புகார் செய்தார். அதன்பேரில் போலீசார் விசாரணை நடத்தி சந்தோசை கைது செய்தனர்.