தட்டி கேட்ட கணவரை தாக்கியவர் கைது

செஞ்சி

விழுப்புரம் அருகே உள்ள முட்டத்தூர் கிராமத்தை சேர்ந்தவர் கோவிந்தராஜ் மகன் சுரேஷ்(வயது 40). இவர் நேற்று முன்தினம் இரவு அந்த பகுதியில் பொது குழாயில் தண்ணீர் பிடித்துக்கொண்டிருந்த 36 வயது பெண்ணை உல்லாசத்துக்கு அழைத்தார். ஆனால் இதற்கு மறுத்த அந்த பெண் நடந்த சம்பவத்தை தனது கணவரிடம் தெரிவித்தார். உடனே அந்த பெண்ணின் கணவர் சுரேஷ் வீட்டுக்கு சென்று அவரிடம் தட்டிக்கேட்டார். இதனால் ஆத்திரம் அடைந்த அவர் அந்த பெண்ணின் கணவரை திட்டி தாக்கினார்.

இது குறித்த புகாரின் பேரில் கஞ்சனூர் போலீசார் வழக்குப்பதிவு செய்து சுரேசை கைது செய்து விசாரணை நடத்தி வருகிறார்கள்.