பூச்செடி என நினைத்து வீட்டில் கஞ்சா வளர்த்தவர் கைது

மதுரை அண்ணாநகர் மேலமடை எழில் நகர் பகுதியில் உள்ள ஒரு வீட்டில் கஞ்சா செடி வளர்ப்பதாக போலீசாருக்கு தகவல் கிடைத்தது. உடனே போலீசார் அந்த வீட்டிற்கு சென்று விசாரணை நடத்தினர். அப்போது வீட்டில் பூச்செடிகளுக்கு நடுவே கஞ்சா செடி வளர்ப்பது தெரியவந்தது. இதுகுறித்து போலீசார் விசாரணை நடத்தியதில் அந்த வீட்டில் வசிக்கும் சிவகுமாரின் மகன் கார்த்திக் (வயது 21) சில வாரங்களுக்கு முன்பு தேனியில் உள்ள நண்பர் வீட்டுக்கு சென்றுள்ளார். அப்போது அவர் பூச்செடி விதைகள் எனக்கூறி சிலவற்றை கார்த்திக்கிடம் கொடுத்துள்ளார். அவரும் அதனை பூ விதை நினைத்து வீட்டில் தொட்டியில் வைத்து வளர்த்ததாக கூறப்படுகிறது. ஆனாலும் வீட்டில் கஞ்சா செடி வளர்த்ததாக போலீசார் வழக்குப்பதிவு செய்து கார்த்திக்கை கைது செய்தனர்.