38 மூடை ரேஷன் அரிசி பதுக்கியவர் கைது

விருதுநகர் மாவட்ட உணவு பொருள் கடத்தல் தடுப்பு பிரிவு போலீசாருக்கு கிடைத்த ரகசிய தகவலின் பேரில் சாத்தூர் வீட்டு வசதி வாரிய குடியிருப்பில் உள்ள பெரியார் நகரில் கருப்பசாமி (வயது 46) என்பவரது வீட்டின் அருகே உள்ள தகர செட்டில் சோதனை செய்தனர். அப்போது அங்கு தலா 50 கிலோ கொண்ட 38 மூடைகளில் 1.9 டன் ரேஷன் அரிசி இருந்தது தெரியவந்தது. அதனை பறிமுதல் செய்ததுடன் கருப்பசாமியை போலீசார் கைது செய்து வழக்குப்பதிவு செய்தனர்.