தகாத வார்த்தைகளால் திட்டியவர் கைது

விக்கிரமங்கலம்:

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் வேல்முருகன் மற்றும் போலீசார் விக்கிரமங்கலம் மெயின்ரோடு பகுதியில் ரோந்து பணியில் ஈடுபட்டனர். அப்போது விக்கிரமங்கலம் பஸ் நிலையம் அருகே நின்ற உடையவர்தீயனூர் கிராமத்தை சேர்ந்த பாண்டியன்(வயது 48) என்பவர் தகாத வார்த்தைகளால் திட்டிக்கொண்டிருந்ததாக கூறப்படுகிறது. இதைக்கண்ட போலீசார் பாண்டியனை பிடித்து விசாரித்தனர். மேலும் இது குறித்து போலீசார் வழக்குப்பதிவு செய்து, அவரை கைது செய்தனர்.