அனுமதியின்றி பட்டாசு வைத்திருந்தவர் கைது

தாயில்பட்டி,

சிவகாசி அருகே உள்ள தாயில்பட்டி பஸ் நிறுத்தத்தில் வெம்பக்கோட்டை சப்-இன்ஸ்பெக்டர் வெற்றி முருகன் வாகன சோதனையில் ஈடுபட்டார். அப்போது பஸ் நிறுத்தத்தில் சந்தேகத்திற்கு இடம் அளிக்கும் வகையில் சாக்கு பையுடன் நின்று கொண்டிருந்த ஒருவரை பிடித்து விசாரணை நடத்தினார். விசாரணையில் அவர் கலைஞர் காலனியை சேர்ந்த தங்கராஜ் (வயது 59) என்பது தெரியவந்தது. இதையடுத்து கையில் வைத்திருந்த சாக்கு பையில் சோதனை செய்தபோது அனுமதியின்றி தயாரிக்கப்பட்ட 20 கிலோ சோல்சா வெடிகளை வைத்திருந்தது தெரியவந்தது. இதையடுத்து பட்டாசுகளை பறிமுதல் செய்ததுடன், தங்கராஜை போலீசார் கைது செய்தனர்.