வக்கீல் மீது தாக்குதல்; அண்ணன்-தம்பி கைது

அம்பை:

அம்பை முடப்பாலம் பகுதியைச் சேர்ந்த ராமசாமி மகன் விஜயகுமார் (வயது 42) வக்கீலான இவர் நேற்று முன்தினம் அவரது ஊரில் இறந்து போன கட்டிட தொழிலாளியின் உடலை அடக்கம் செய்யும்போது மயான கரையில் மதுபோதையில் இருந்தவர்களை கண்டித்துள்ளார். இதனால் அவர்களுக்குள் ஏற்பட்ட தகராறில் வக்கீல் விஜயகுமாரை அப்பகுதியைச் சேர்ந்த சிலர் உருட்டு கட்டையால் தாக்கினர். இதில் தலையில் காயம் அடைந்த வக்கீல் விஜயகுமார் அம்பை அரசு ஆஸ்பத்திரியில் சிகிச்சையில் உள்ளார். அவர் கொடுத்த புகாரின் பேரில் அம்பை போலீசார் வழக்கு பதிவு செய்து அதே பகுதியைச் சேர்ந்த சுப்பிரமணியன் மகன்கள் இளையராஜா, மாயாண்டி ஆகிய இருவரை கைது செய்தனர். மேலும் விசாரணை நடத்தி வருகின்றனர். இந்நிலையில் வக்கீல் விஜயகுமார் தாக்கப்பட்டதை கண்டித்து அம்பை ஒருங்கிணைந்த கோர்ட்டில் அனைத்து வழக்கறிஞர்கள் சங்கங்களின் கூட்டமைப்பு சார்பில் நேற்று ஒரு நாள் நீதிமன்ற புறக்கணிப்பு நடைபெற்றது.