ஆட்டோ டிரைவர் மீது தாக்குதல்; சிறுவன் உள்பட 2 பேர் கைது

கோவில்பட்டி:

கோவில்பட்டி நடராஜபுரம் 9-வது தெருவை சேர்ந்தவர் லட்சுமணன் மகன் வீரமணி ராஜ் (வயது 24). ஆட்டோ டிரைவர். நேற்று முன்தினம் இரவு வீரமணி ராஜை, 17 வயது சிறுவன் ஒருவர், ஆலம்பட்டியைச் சேர்ந்த கண்ணன் என்பவர் அழைப்பதாக கூறி, அதே பகுதியில் உள்ள மயான பகுதிக்கு அழைத்து சென்றார். அங்கு வைத்து 5 பேர் கும்பல் கம்பால் வீரமணி ராஜை சரமாரியாக தாக்கி விட்டு ஓடி விட்டது. இதில் காயமடைந்த வீரமணி ராஜ் கோவில்பட்டி அரசு மருத்துவமனையில் சிகிச்சை பெற்றார். அவர் கொடுத்த புகாரின் பேரில் கோவில்பட்டி மேற்கு போலீஸ் சப்-இன்ஸ்பெக்டர் ஹரி கண்ணன் மற்றும் போலீசார் வழக்குப்பதிவு செய்து 17 வயது சிறுவனையும், சாஸ்திரிநகரைச் சேர்ந்த கொம்பையா மகன் மாடசாமி (19) என்பவரையும் கைது செய்தனர். இந்த சம்பவத்தில் தொடர்புடைய மேலும் 3 பேரை தேடி வருகின்றனர்.